事隔7年再合作 黄子华佘诗曼拍《 栋笃特工 》

2020-06-16

7年前的无綫剧《绝代商骄》赢得不少好评,有男神之称的 黄子华 与佘诗曼(阿佘)事隔7年再度合作拍戏,两人日前在上环为新片《 栋笃特工 》进行开镜拜神仪式,原来今次两人合作係阿佘主动邀请黄子华!子华同阿佘话两人戏中有感情线,笑言会激烈啲!新剧中,阿佘角色十分特别,经常「嘴藐藐」,形象大突破!

《笃栋特工》 戏内关係似「冤孽」

戏外就好鬼老友,戏内就关係「冤孽」?新戏《栋笃特工》中,子华受聘于阿佘,会使晒阿佘啲钱,所以子华就用「冤孽」形容2人关係。今次阿佘饰演位高权重的人,剧中经常展露「嘴藐藐」嘅表情。阿佘话,试过问拍剧照嘅工作人员有冇影得自己正常啲,但结果得黑口黑面,一脸不屑嘅相!

子华就话今次阿佘做个大家应该未见过嘅角色,係个好「衰格」嘅人,仲讚呢个係个「好睇」嘅角色。至于被问及是否影射香港官员?阿佘就回应係新造型。「唔係影射,但係有呢个职位,不过唔係为咗啲政治嘢!」

事隔7年再合作 黄子华佘诗曼拍《 栋笃特工 》

事隔7年再合作 黄子华佘诗曼拍《 栋笃特工 》

黄子华:亲热戏对我嚟讲微不足道啦!

提及起有冇亲热戏,子华同阿佘就话要视乎对方。子华之后直言:「我好被动,观众都唔想睇呢啲,係要激烈啲嘅!(打戏?)我係受聘于佢,使晒佢啲钱!」阿佘续说,戏中角色一生都为了追捕对方。至于感情线方面,子华笑称:「我同阿佘一行埋就係情侣啦!」至于被问及有冇亲热戏,子华就话:「唔係想像中咁一般,嗰啲对我嚟讲微不足道啦!」

事隔7年再合作 黄子华佘诗曼拍《 栋笃特工 》

事隔7年再合作 黄子华佘诗曼拍《 栋笃特工 》

子华担正编剧 筹备剧本1年

子华透露,原本受到阿佘邀请合作拍电视剧,但后因时间关係决定拍电影,而子华笑言并没有预料原来拍电影花的时间更多。担任编剧的子华直言原本1年前就要拍,但不断改剧本,改足1年!当中阿佘要求更十分高,子华同导演度好剧本后要俾阿佘审批,过程十分认真。而依家已经係第10稿喇!子华称剧本贴近社会得来,不失少少离地风格,佢喺电影裏面会频频閙出笑话,笑指:「我係007师傅。」

事隔7年再合作 黄子华佘诗曼拍《 栋笃特工 》

事隔7年再合作 黄子华佘诗曼拍《 栋笃特工 》

至于两人被问及票房压力,阿佘觉得唔到佢控制,鬼马子华笑住话自己一向冇票房,所以冇压力!但指阿佘是「亿亿声女星」,唔想影响佢嘅「亿誉」,所以倍感压力。

事隔7年再合作 黄子华佘诗曼拍《 栋笃特工 》

 

上一篇: 下一篇:

相关新闻

推荐阅读